İran Neftin Kölgəsində

Oxuculara təqdim olunan bu kitab London Universiteti Tarix Araşdırmaları İnstitutunun Baş elmi işçisi, professor Cəmil Həsənlinin yeni tədqiqat əsəridir. Burada 1949-cu ildə şaha sui-qəsd edilməsindən və “Milli Cəbhə” yaradılandan 1953-cü ilin avqustunda həyata keçirilən dövlət çevrilişinə qədər İranda baş verən dramatik hadisələrdən söhbət açılır. Əsərin mərkəzi siması Məhəmməd Müsəddiqdir. O, ana tərəfdən Qacar sülaləsinin varislərindən idi. Doktor Müsəddiq XX əsrin ən böyük millətçisi kimi tarixə düşüb. İranda neft sənayesinin milliləşdirilməsi onun adı ilə bağlıdır. 1952-ci ildə ingilisləri ölkədən çıxarmaqla Britaniyanın İranda 50 illik ağalığına məhz o, son qoydu. Kitabda Müsəddiq hökumətinin daxili və xarici siyasəti, dünyada birinci neft böhranı, İranda kommunist təhlükəsi, Soyuq müharibə, Yaxın Şərqin zəngin neft ehtiyatları uğrunda mübarizə Britaniya, Birləşmiş Ştatlar və Sovet üçbucağında təqdim edilir. ABŞ Mərkəzi Kəşfiyyat İdarəsi və Britaniya Gizli Xidmətinin birgə əməliyyatı ilə 1953-cü ilin avqustunda Müsəddiq hökuməti devrildi. Sovet İttifaqı İrandakı dövlət çevrilişinə səssiz qaldı. Həmin dramatik hadisələrin bütün gizlinlərini bu kitabdan öyrənə bilərsiniz. Kitab ali məktəblərin tarix və digər humanitar ixtisaslar üzrə təhsil alan tələbələr, tarixi keçmişə maraq göstərən gənclər və geniş oxucu dairəsi üçün faydalı bir mənbədir.

Oxuculara təqdim olunan bu kitab London Universiteti Tarix Araşdırmaları İnstitutunun Baş elmi işçisi, professor Cəmil Həsənlinin yeni tədqiqat əsəridir. Burada 1949-cu ildə şaha sui-qəsd edilməsindən və “Milli Cəbhə” yaradılandan 1953-cü ilin avqustunda həyata keçirilən dövlət çevrilişinə qədər İranda baş verən dramatik hadisələrdən söhbət açılır. Əsərin mərkəzi siması Məhəmməd Müsəddiqdir. O, ana tərəfdən Qacar sülaləsinin varislərindən idi. Doktor Müsəddiq XX əsrin ən böyük millətçisi kimi tarixə düşüb. İranda neft sənayesinin milliləşdirilməsi onun adı ilə bağlıdır. 1952-ci ildə ingilisləri ölkədən çıxarmaqla Britaniyanın İranda 50 illik ağalığına məhz o, son qoydu. Kitabda Müsəddiq hökumətinin daxili və xarici siyasəti, dünyada birinci neft böhranı, İranda kommunist təhlükəsi, Soyuq müharibə, Yaxın Şərqin zəngin neft ehtiyatları uğrunda mübarizə Britaniya, Birləşmiş Ştatlar və Sovet üçbucağında təqdim edilir. ABŞ Mərkəzi Kəşfiyyat İdarəsi və Britaniya Gizli Xidmətinin birgə əməliyyatı ilə 1953-cü ilin avqustunda Müsəddiq hökuməti devrildi. Sovet İttifaqı İrandakı dövlət çevrilişinə səssiz qaldı. Həmin dramatik hadisələrin bütün gizlinlərini bu kitabdan öyrənə bilərsiniz. Kitab ali məktəblərin tarix və digər humanitar ixtisaslar üzrə təhsil alan tələbələr, tarixi keçmişə maraq göstərən gənclər və geniş oxucu dairəsi üçün faydalı bir mənbədir.